د محصلینو لارښود کتاب
سپین غر پوهنتون (ننګرهار) خپلو برحاله او نويو شاملیدونکو محصلینو ته د لوړو زده کړو وزارت او د پوهنتون د غوښتنو په لړ کې لارښود کتاب ډیزاین او نشروي. ټول نوي شامل شاملیدونکي او برحاله محصلین باید د لوړو زده کړو په برخه کې د لوړو زده کړو وزارت تقنيني سندونو او د پوهنتون له اصولو او مقرراتو څخه خبر وي او په خپله تحصیلي دوره کې یې پر ځان تطبيق کړي.
د محصلینو لارښود کتاب چې محصلینو لپاره د تحصیلي دورې د مشعل حیثیت لري، ټول هغه موضوعات په کې رانغاړل کېږي، چې د پوهنتون او محصل حقوق او وجايب په تحصیلي دوره کې تعقیب او تامینوي. دا کتاب د لاندې عمده برخو درلودونکی دی:
1. د پوهنتون تاریخچه، لرلید، ماموریت، اهداف، ارزښتونه او اعتبار اخیستنه.
2. علمي برنامې او د هغې اړتیاوي.
3. علمي کالیزه (علمي کال، پسرلنی او خزاني سمستر).
4. اکاډمیکې مشورې او د ملاتړ خدمتونه.
5. کتابتون او د څېړنو اړوند سرچینې.
6. د ظرفیت لوړونې لنډ مهاله او اوږد مهاله برنامې.
7. محصلینو لپاره هوکړه لیکونه او د استفادې شرایط.
8. اضافه نصابي فعالیتونه او برنامې.
9. د پوهنتون د ودانۍ او دفترونو لارښودونه.
10. مالي مرستې (په ټولنه کې ونډه اخیستنه).
11. د معلولینو او معیوبینو لپاره ځانګړي خدمات.
12. انټرنشیپونه او عملي زده کړې.
13. دبرحاله محصلینو شوراګانې او ټولنې.
14. د فارغانو شبکې او ټولنې.
15. د لوړو زده کړو وزارت تقنيني سندونو، لوایحو او طرز العملونو غوښتنې.
16. د پوهنتون د پالیسيو، طرز العملونو او پروسیجرونو غوښتنې.
17. خوندیتوب او اضطراري حالاتو پر وړاندې چمتووالی.
18. د تنوع، مساوات او ټول شمولیت اصلونه.
19. لوړو زده کړو ته لاسرسی.
20. بهرني ملي او نړیوال علمي فعالیتونه اوهوکړه لیکونه.
سپین غر پوهنتون (ننګرهار) ته نوماند او برحاله محصلين کولای شي د پوهنتون د محصلینو لارښود کتاب چې د پورته عمده برخو تر څنګ ګڼ شمېر فرعي برخې هم لري، په لاندې ډول د کالونو په تفکیک ترلاسه کړي.