په سپن پوهنتون (ننګرهار) کې د علمي شورا ایجاد، تشکیل، مجالس، دندې او واکونه د لوړو زده کړو وزارت د ملکي لوړو زده کړو قانون د (۱۹،۱۸،۱۷،۱۶) مادو د حکمونو په رڼا کې ترتيب شوي دي، د پوهنتون علمي شورا د پوهنتون د تدریس، څېړنې او اکاډمیکو چارو د ښه تنظیم او سمون په موخه د پرېکړې کولو لوړه مرجع ده.
په علمي شورا کې د پوهنتون رئیس د شورا د رئیس په توګه، د پوهنتون مرستیالان ، د پوهنځیو رئیسان، له هر پوهنځي څخه دوه تنه استادان او د اړتیا له مخې د ځینو مهمو او اساسي څانګو مسؤلین د غړو په توګه او د استادانو چارو آمر د شورا د منشي په حیث ټاکل شوی. د علمي شورا مجالس د تائید شوي مهالوېش مطابق په مياشتني ډول ترسره کېږي او د موضوعاتو د اړتیا پر اساس فوق العاده یا ځانګړي مجالس هم ترسره کوي.
د علمي شورا دندې او واکونه
1. د پوهنتون د رئیس وړاندیز د تحصیلي پوهنتون د مرستیالانو ټاکل.
2. د اړوندې پوهنتون د لوړو زده کړو او علمي څېړنو د پالیسۍ طرح او ترتیب او واکمنو مراجعو ته د هغې وړاندیز.
3. د درسي پلانونو او علمي – څېړنیزو برنامو تدوین او ارزونه.
4. د پرمختیایي پلانونو طرح او وړاندیز.
5. د زده کړیزو پلانونو او برنامو له تطبیق څخه څارنه
6. د پوهنځیو او ډيپارټمنټونو د تأسیس، پراختیا، تجزیې، الحاق، ادغام او یا الفاء کتنه (مطالعه) او وړاندیز.
7. د تفاهم لیکونو او توامیت د قراردادونو د عقد، تعدیل، تمدید یا فسخې وړاندیز.
8. له لېسانس څخه د لوړو علمي برنامو د دایرولو کتنه او وړاندیز.
9. د علمي کادر غړي د ګمارنې یا انفکاک د وړاندیز په اړه تصمیم نیول.
10. د علمي ترفیع ارزونه، د علمي رتبو تثبیت او د هغو تصویبول.
11. د اړوندو پوهنځیود اکاډمیکو فعالیتونو ارزونه او د لوړو زده کړو وزارت ته د راپور وړاندې کول.
12. د معاونيتونو، د خپرونو د آمریتونو، مرکزي کتابتون، د معلوماتي ټکنالوژي مرکز، د علمي څېړنو د چارو د سمون د مرکز، د لوړو زده کړو د پوهنتون د ماسټرۍ او دکتورا برنامو د مرکز او د کیفیت لوړونې او په دې برخه کې د ښه والي د لارو چارو د لټولو د فعالیتونو ارزونه.
13. د ویاړمن (افتخاري) دیپلوم تصویب او د دکتورا د فعالې برنامې د لرلو په صورت کې د هغې ورکړه.
14. د اختصاصي کمېټو جوړول او هغو ته د ځینو واکونو سپارل.
15. د لایحو د طرح او تمدید وړاندیز او د اړوندو کړنلارو تصویبول.
16. په اړوندو تقنیني سندونو کې د درج شویو او نورو دندو سرته رسول.